Thursday, June 8, 2023
spot_img
მთავარიმსოფლიოუკრაინის გენშტაბი - ბახმუტში სასტიკი ბრძოლა გრძელდება

უკრაინის გენშტაბი – ბახმუტში სასტიკი ბრძოლა გრძელდება

უკრაინის შეიარაღებული ძალების გენერალური შტაბის მონაცემებით, გასულ 24 საათში, რუსეთის საოკუპაციო ძალებმა უკრაინის ტერიტორიაზე განახორციელეს 18 საავიაციო და 5 სარაკეტო დარტყმა და ზალპური ცეცხლის რეაქტიული სისტემების გამოყენებით 53-ჯერ დაცხრილეს თავდაცვის ძალების პოზიციები და სამოქალაქო ინფრასტრუქტურა.

უკრაინის არმიის სარდლობის განცხადებით, რუსეთს ძირითადი ძალისხმევა ისევ კონცენტრირებული აქვს შეტევებზე ლიმანის, ბახმუტის, ავდეევკის და მარინკის მიმართულებებით, სადაც გასულ 24 საათში თავდაცვის ძალებმა მოიგერიეს 40-ზე მეტი შეტევა.

გენერალური შტაბის თანახმად, სასტიკი ბრძოლა გრძელდება დონეცკის ოლქის ქალაქ ბახმუტში, რომელზეც რუსეთის საოკუპაციო ძალებს სრული კონტროლის დამყარება სურთ. შტაბის ინფორმაციით, გასულ 24 საათში მოწინააღმდეგე უშედეგოდ უტევდა ბახმუტის რაიონში მდებარე დასახლებულ პუნქტებს: ორეხოვო-ვასილევკას, ბოგდანოვკას და ბილა გორას, სადაც უკრაინელმა სამხედროებმა 16 იერიში მოიგერიეს.

ამერიკული ანალიტიკური ცენტრის, ომის შემსწავლელი ინსტიტუტის(ISW) მონაცემებით, 6 აპრილს, რუსეთის ძალებს უმნიშვნელო წინსვლა ჰქონდათ ქალაქ ბახმუტის ცენტრალურ ნაწილში, ხოლო უკრაინის ძალებმა კერძო სამხედრო კომპანია „ვაგნერის“ სახმელეთო შეტევა მოიგერიეს ბახმუტიდან დასავლეთით, 6 კილომეტრში.

RELATED ARTICLES

კვირის ყველაზე პოპულარული

ბოლო კომენტარები