ქობულეთის შემოვლით გზაზე, გვირაბში ავტოსაგზაო შემთხვევის შედეგად 2 ადამიანი გარდაიცვალა. ერთმანეთს სატვირთო და მსუბუქი ავტომობილები შეეჯახნენ, რამაც ხანძარი გამოიწვია. მსუბუქი ავტომობილი სრულად დაიწვა.
სასწრაფო დახმარების ცენტრის ექიმებს, შემთხვევის ადგილზე ორი დაღუპული დახვდათ. დაშავებული იყო კიდევ ერთი პირი, რომელმაც სამედიცინო მომსახურებასა და კლინიკაში გადაყვანაზე უარი განაცხადა,თუმცა მისი დაზიანებები მსუბუქი იყო.
შემთხვევა გვიან ღამით მოხდა.
მომხდარზე დაწყებულია გამოძიება. შინაგან საქმეთა სამინისტრო მომხდარს სისხლის სამართლის კოდექსის 276-ე მუხლის მე-8 ნაწილით იძიებს.
