პანდემიის გამოცხადებიდან ორი წლის განმავლობაში, პირველად ჩრდილოეთ კორეაში კორონა ვირუსით ინფიცირების შემთხვევა დაადასტურეს.ამის შესახებ ადგილობრივ სახელმწიფო მედიასაშუალებებზე დაყრდნობით წერს სამხრეთ კორეის საინფორმაციო სააგენტო Yonhap-ი.
გავრცელებული ინფორმაციით,ცხელების მქონე პაციენტებისთვის კვირას აღებული ნიმუშების კვლევამ აჩვენა, რომ მათ კორონავირუსის ომიკრონ ვარიანტი აქვთ. პაციენტების რაოდენობას არ ასახელებენ. ჩრდილოეთ კორეის სახელმწიფო სააგენტოების ინფორმაციით, ქვეყანაში „მაქსიმალური საგანგებო სიტუაცია“ გამოცხადდა.
