ჯანდაცვის სამინისტროს ინფორმაციით, საქართველოში კოვიდსტატისტიკა ყოველდღიურად აღარ გამოქვეყნდება. კვირაში ერთხელ, ყოველ სამშაბათს მედიას და საზოგადოებას მიეწოდება ინფორმაცია.
“ახალი შემთხვევების რაოდენობა, ინციდენტობა, დადებითობის მაჩვენებელი, გარდაცვალების შემთხვევები ყოველკვირეულად შეჯამდება და კვირაში ერთხელ, ყოველ სამშაბათს გამოქვეყნდება”, – აცხადებენ ჯანდაცვის სამინისტროში.
ბოლო მონაცემებით, 2020 წლის 26 თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა, ტესტირებით აღრიცხულია 1 655 221 შემთხვევა. COVID-19-ით გარდაცვლილია 16 811 ადამიანი.
