“ნაპოლის” მთავარი მწვრთნელის პოსტზე ლუჩანო სპალეტის შემცვლელად გასპერინი, კონტე და ბენიტესი თუ სახელდებოდნენ, დღევანდელი მონაცემებით, ამასთან ყველაზე ახლოს ლუის ენრიკეა. გადაწყვეტილება საბოლოო არაა, თუმცა ჩვენ მაინც გვსურს, ესპანელი სპეციალისტი ახლოს გაგაცნოთ, ხვიჩა კვარაცხელიას მომავალი დამრიგებლის მიმართ საქართველოში ხომ დიდი ინტერესია.
ლუის ენრიკე 53 წლის ახლახან გახდა. ის მშვენიერი ფეხბურთელი იყო და მათ კატეგორიას მიეკუთვნება, ვინც მოსისხლე მტერ “რეალიდან” პირდაპირ “ბარსელონაში” (ან პირიქით) გადავიდა. ლუჩოს, როგორც მას ეძახიან, პირველი გუნდი “ხიხონი” იყო. ის ამ ქალაქში დაიბადა კიდეც.
ლუის ენრიკეს სამწვრთნელო კარიერის
![Sportall.Ge](https://sportall.ge/pictures/artimages/original/ce43829774820f0e32f066474a3b8b38.jpg ""ნაპოლის" სავარაუდო მწვრთნელის გაცნობა - გენიალური "ბარსა", თასი თბილისში, გოლი ხვიჩასგან და ტრაგედია...")
ლუის ენრიკე “დინამო არენაზე”
53 წლის სპეციალისტს მალე ესპანეთის ნაკრები ჩააბარეს, რომელსაც ასევე დიდების შემდეგ, ჩავარდნა ჰქონდა. ლუისის თავს საშინელება დატრიალდა, მის 9 წლის ქალიშვილ ხანას სიმსივნე დაუდგინდა და “ფურია როხა” 7 მატჩის შემდეგ დატოვა. “ხანია, შენ იქნები ვარსკვლავი, რომელიც ჩვენს ოჯახს გზას გაუნათებს” – დაწერა ენრიკემ მას შემდეგ, რაც სიმსივნესთან 5-თვიანი ბრძოლა უშედეგოდ დასრულდა…
“ნაპოლის” მომავალმა სავარაუდო თავკაცმა ძალები მოიკრიბა და ესპანეთის ნაკრებს დაუბრუნდა. მათ ევროპის ჩემპიონატის ნახევარფინალში გააღწიეს, რასაც მუნდიალი მოჰყვა. გასაკვირი ის იყო, რომ ლუჩოს 4-3-3 უფრო სწორხაზოვანი გახდა, “ფურია როხა” ჯიუტად ცდილობდა ეთამაშა ის, რისი განხორციელება ხავი-ინიესტას გარეშე იოლად გასაშიფრი იყო და თუკი წინა მუნდიალზე იეროს გუნდი რუსებმა შეაჩერეს, კატარში ესპანელთა გზა მაროკოს ნაკრებმა გადაჭრა.
კვარაცხელიას თამაშს თუ ახალი ელემენტები სჭირდება, ლუის ენრიკე ამისთვის იქნებ იდეალური ვარიანტია, ოღონდ არა ისეთი, მსოფლიოს ბოლო ჩემპიონატზე რომ ვიხილეთ!..
