თბილისის საკრებულოს ფრაქცია „ერთიანი ნაციონალური მოძრაობის” წევრის ირაკლი ეძგვერაძის ცემის საქმეზე შსს-მ გამოძიება დაიწყო.
შსს-ს პრესცენტრი აღნიშნავს, რომ ფაქტთან დაკავშირებით ტარდება შესაბამისი საგამოძიებო ღონისძიებები.
„შინაგან საქმეთა სამინისტროს თანამშრომლები გლდანში მომხდარი დაპირისპირების თაობაზე შეტყობინების მიღებისთანავე ოპერატიულად გამოცხადდნენ ადგილზე.
მომხდარ ფაქტზე გამოძიება სისხლის სამართლის კოდექსის 126-ე მუხლის პირველი პრიმა ნაწილით დაიწყო რაც ჯგუფურად ჩადენილ ძალადობას გულისხმობს”, – აღნიშნავს შინაგან საქმეთა სამინისტრო.
