Sunday, February 5, 2023
spot_img
მთავარისაზოგადოებაოკუპირებულ აფხაზეთში თბილიში გადმოსახლებული რუსლან გამისონიას წინააღმდეგ საქმე აღძრეს

ოკუპირებულ აფხაზეთში თბილიში გადმოსახლებული რუსლან გამისონიას წინააღმდეგ საქმე აღძრეს

“ეხო კავკაზას” ინფორმაციით, სოხუმის ე.წ. პროკურატურა რუსლან გამისონიას  „სახელმწიფო საზღვრის უკანონო კვეთასა“ და „მედიის გამოყენებით საჯარო მოწოდებებს, რომლებიც მიმართულია აფხაზეთის ტერიტორიული მთლიანობისა და ხელშეუხებლობის დარღვევას“ ედავება.

დე ფაქტო პროკურატურის მიერ ვრცელდება ინფორმაცია, რომ გამისონიამ „აფხაზეთი 2022 წლის ივნისში , განზრახ, უკანონოდ, გამშვები პუნქტის მიღმა მოქმედი დოკუმენტაციისა და სათანადო ნებართვის გარეშე“ დატოვა.

2022 წლის აგვისტოში კი, აფხაზმა ბლოგერმა დაურ ბუავამ თავის TikTok-ის გვერდზე ვიდეო გამოაქვეყნა, რომელშიც დე ფაქტო უწყებებმა ამოიკითხეს „იდეები, რომლებიც შეიცავს მომხმარებელთა შეუზღუდავი წრისადმი ფარულ მიმართვას, რომელიც მიზნად ისახავს აფხაზეთის რესპუბლიკის ტერიტორიული მთლიანობისა და ხელშეუხებლობის დარღვევას და აფხაზეთის რესპუბლიკის საქართველოში შემადგენლობაში შესვლას“.

გამისონიას თქმით, იძულებული იყო, სოხუმიდან თბილისში გადასულიყო.                          „ის, რაც აფხაზეთში ხდება… ის ძალა, რომელიც სიმართლის თქმის საშუალებას არ იძლევა, ყიდის მიწებს, ხალხის, ახალგაზრდობის განადგურებით არის დაკავებული. არ არის განვითარება, ეწევა პროპაგანდას, რომ აქ მტრებია, თითქოს მტრებია, მაგრამ აქ მტრები არ არიან. ერთობლივი დიალოგის დროა. უნდა დავიწყოთ ურთიერთობების დალაგება, უნდა მივიდეთ მომავალთან. აქ არის მომავალი, ყველა ერთმანეთს ეხმარება, ყველაფერი კიდევ უფრო ცუდად იქნება, მშვიდობა მსოფლიოს“.

სოხუმის ე.წ პროკურატურის ინფორმაციით, ამჟამად რუსლან გამისონიას მონაწილეობით „მედიაში სხვა პუბლიკაციების ფაქტზე პროცედურული შემოწმება მიმდინარეობს“.

ვიდეომასალა, რომელშიც გამისონია რუსლანი ფიგურირებს, ლინგვისტურ ექსპერტიზაზეა გაგზავნილი, რომლის დასრულებისა და მიღების შემდეგ გამომძიებელი საპროცესო გადაწყვეტილებას მიიღებს“, – ნათქვამია განცხადებაში.

გამისონია თავის tiktok-ის გვერდზე ამბობს, რომ „აფხაზეთი საქართველოს რეგიონია“ და „ქართველი ხალხი დიადი ხალხია, რომელსაც სურს დაეხმაროს აფხაზების გადარჩენას“.

ოკუპირებული აფხაზეთის დე ფაქტო პროკურატურის განცხადებით, გამისონია განზრახ მკვლელობისა და „რუსეთის ფედერაციის ორი მოქალაქის გაუპატიურებისა და გარყვნილი ქმედებების ჩადენის ფაქტზეა” ნასამართლევი. ამის შესახებ ოკუპირებული აფხაზეთის ტელევიზიის ეთერში „სახელმწიფო უსაფრთხოების სამსახურის“ უფროსმა რობერტ კიუტმა განაცხადა.

მანამდე „სახელმწიფო ღალატის“ მუხლით ოკუპირებულ აფხაზეთში სისხლის სამართლის საქმე აღძრეს 2021 წელს თბილისში საცხოვრებლად გადმოსული დაურ ბუავას წინააღმდეგ. სოხუმში განაცხადეს, რომ მისი ვიდეოები მიმართულია „რესპუბლიკის სუვერენიტეტის, ტერიტორიული მთლიანობის, სახელმწიფო უსაფრთხოებისა და თავდაცვისუნარიანობის საზიანოდ“.

უწყების განცხადებაში ასევე ნათქვამია, რომ ბუავა რუსეთში ძებნილთა ფედერალურ სიაშია შეყვანილი, დიდი ოდენობით ნარკოტიკული საშუალების უკანონო შეძენისა და შენახვისთვის. ბლოგერი განცხადებას „წმინდა წყლის სიცრუეს“ უწოდებს და ამბობს, რომ ის რუსეთში სწავლობდა და თავისუფლად გადაკვეთა „რუსეთ-აფხაზეთის დე ფაქტო საზღვარი“.          გასული წლის დეკემბერში დაურ ბუავამ გამარტივებული წესით საქართველოს მოქალაქეობა მიიღო.

RELATED ARTICLES

დატოვე პასუხი

გთხოვთ, მიუთითოთ თქვენი კომენტარი!
გთხოვთ, შეიყვანოთ თქვენი სახელი აქ

კვირის ყველაზე პოპულარული

ბოლო კომენტარები