პოლონეთის საგარეო საქმეთა სამინისტრო შეშფოთებას გამოთქვამს მთავარი არხის გენერალური დირექტორის, ნიკა გვარამიას მიმართ გამოტანილი განაჩენის გამო.
“პოლონეთი შეშფოთებულია ოპოზიციური ტელეკომპანია მთავარი არხის გენერალური დირექტორისა და ყოფილ პრეზიდენტთან, მიხეილ სააკაშვილთან დაახლოებული პირის, ნიკა გვარამიას დაკავების გამო. გადაწყვეტილებამ შესაძლოა უარყოფითად იმოქმედოს როგორც კანონის უზენაესობის აღქმაზე, ასევე მედიის თავისუფლებაზე საქართველოში”, – აღნიშნულია სამინისტროს მიერ გამოქვეყნებულ განცხადებაში.
