ქობულეთში, ზღვაში გაუჩინარებულ ქალს ეძებენ – ინფორმაციას “აჭარის ტელევიზია” ავრცელებს.
არსებული ინფორმაციით, 35 წლის ქალი, მეგობართან ერთად ზღვაში შევიდა, უკან გამოსვლა კი ვერ შეძლო. მასთან ერთად მყოფი მეორე პირი კი ქობულეთის სამედიცინო დაწესებულებაშია გადაყვანილი.
შემთხვევა გუშინ საღამოს, მეგობრობის ქუჩის გასწვრივ სანაპიროზე მოხდა. არსებული ინფორმაციით, ახალგაზრდა უცხო ქვეყნის მოქალაქეა.
საგანგებო სიტუაციების მართვის სამსახურში აჭარის მაუწყებელს დაგვიდასტურეს, რომ ერთი პირის სამძებრო სამუშაოები ამ დრომდე მიმდინარეობს.
