რაჭაში, შოვში, სტიქიის ზონაში დაკარგულ ოჯახს ეძებენ – არსებული ინფორმაციით, სტიქიის დროს ოჯახის სამი წევრი, დედა და და-ძმა, კოტეჯების ტერიტორიაზე იმყოფებოდა.
როგორც ოჯახის ახლობელი “მთავარ არხთან” საუბრისას ამბობს, ოჯახის წევრებთან კონტაქტი მას შემდეგ არ ჰქონიათ, რაც რეგიონში მეწყერი ჩამოწვა.
თუ ვინმე ფლობთ ინფორმაციას დაკარგულებთან დაკავშირებით, ოჯახის ახლობელს დაუკავშირდით ნომერზე – 551122822.
რაჭაში სამაშველო ოპერაცია ამ დრომდე გრძელდება. უკანასკნელი ცნობებით, სტიქიის ეპიცენტრში მყოფ 30-ზე მეტ ადამიანთან ამ დრომდე ვერ ხერხდება კონტაქტის დამყარება.
ოფიციალური ინფორმაციით, რაჭაში სტიქიას 7 ადამიანი ემსხვერპლა.
