მთავრობის ადმინისტრაციის შესასვლელთან დამონტაჟებული რკინის კონსტრუქცია მოხსნეს. როგორც მთავრობის ადმინისტრაციაში აცხადებენ, შენობის გარშემო რკინის ღობის მოხსნის გადაწყვეტილება პრემიერ-მინისტრმა ირაკლი კობახიძემ მიიღო.
როგორც ცნობილია, ტერიტორია რკინის კონსტრუქციებით რამდენიმე თვის წინ, ყოფილი პრემიერ-მინისტრის, ირაკლი ღარიბაშვილის გადაწყვეტილებით შემოიღობა.