“დღეს ალბათ ბიუჯეტს თუ არ უჭერენ მხარს, სხდომაზე რჩება ის, რომ შემოგვთავაზონ პოლიტიკური სპექტაკლი და სამწუხაროა, რომ მეც მიწევს ამაში მონაწილეობის მიღება” – განაცხადა ნინო ლაცაბიძემ.
“ვალდებული ვარ ჩემი ქალაქის და რუსთაველების წინაშე, რომ თუ ერთი პროცენტი მაინც არსებობს იმის, რომ დავარწმუნო, კიდევ მეტი დეტალი გავაჟღეროთ ბიუჯეტთან და ქალაქის განვითარებასთან დაკავშირებით, მზად ვარ მოვისმინო კითხვები და ვუპასუხო ყველა იმ კითხვას, რომელიც მათ ექნებათ. ჩვენი ქალაქისთვის ეს ბიუჯეტი არის ძალიან მნიშვნელოვანი,” – აღნიშნა ნინო ლაცაბიძემ.
ლაცაბიძის განცხადებით, საკრებულოს ოპოზიციონერი დეპუტატების მხრიდან ნაცვლად საგნობრივი მსჯელობისა, იყო პოლიტიკური განცხადებები.
“კომისიებში დარგების მიხედვით მსჯელობის სანაცვლოდ იყო უფრო პოლიტიკური განცხადებები, თუმცა, ჩვენი გუნდი მზად იყო, ყველა დეტალზე პასუხი გაეცათ. სამწუხაროა ის არგუმენტები, რა არგუმენტებითაც ბიუჯეტი დაიწუნეს და ეს არის ძირითადად საკრებულოს ბიუჯეტის იმგვარად არგაზრდა, როგორიც მათი მოთხოვნა და სურვილი იყო. მაგალითად, იყო პრემია-დანამატების კუთხით გაზრდილი. ცოტა უხერხულია, დღეს, როდესაც ვსაუბრობთ ქალაქის განვითარებაზე, ვისაუბრო მათი მხრიდან დაყენებულ საკითხებზე, როგორიც არის ფარდა-ჟალუზების შესყიდვა საკრებულოსთვის და ამგვარი არაღირებული საკითხების გაჟღერება იმ მოსახლეობასთან, რომლებიც სტუდენტების დაფინანსებას ელოდებიან, ავარიული კორპუსების გამაგრებას, ქუჩების რეაბილიტაციას, სოციალური და ჯანდაცვის სერვისების დაფინანსებას ელოდებიან,” – განაცხადა ნინო ლაცაბიძემ.
