რეგლამენტში ცვლილებების შეტანის შესახებ პარლამენტის თავმჯდომარის ინიციატივაზე დღეს კანონმდებლები იმსჯელებენ. საუბარია, 2025 წლის იანვრიდან, დეპუტატებისთვის ხელფასების მომატებაზე. თემას დეპუტატები საპროცედურო საკითხთა კომიტეტზე, მესამე მოსმენით განიხილავენ. მმართველ გუნდში ამბობენ, რომ პარლამენტის წევრების ხელფასები სხვა სახელმწიფო სამსახურების ანაზღაურებასთან შესაბამისობაში უნდა იყოს.
გარდა ამისა, რეგლამენტის პროექტის მიხედვით, 5 ათასით იზრდება პარლამენტის წევრის გარდაცვალებისას ან მისი, როგორც შეზღუდული შესაძლებლობის მქონე პირად აღიარებისას, ერთჯერადი დახმარების ოდენობა და ის 15-20 ათასს შეადგენს.
