აშშ-ის სახელმწიფო დეპარტამენტმა ადამიანის უფლებების შესახებ 2023 წლის ანგარიში გამოაქვეყნა, რომელშიც საუბარია საქართველოზეც.
ანგარიშში აღნიშნულია, რომ 2023 წლის განმავლობაში ქართველები გამოდიოდნენ ქვეყნის ევროკავშირში გაწევრიანების მხარდასაჭერად. ქვეყანამ მიიღო კანდიდატის სტატუსი და 9 რეკომენდაცია.
დოკუმენტში მიმოხილულია ადამიანის უფლებებთან დაკავშირებული საკითხები სხვადასხვა მიმართულებით, მაგალითად გამოხატვის თავისუფლების და მედიის თავისუფლების, ასევე ლგბტ თემის უფლებების მიმართულებით. დოკუმენტში საუბარია ოკუპირებულ ტერიტორიებზე მცხოვრები ადამიანების პრობლემებსა და კონკრეტულ ინციდენტებზე.
