ლიბანის დედაქალაქ ბეირუთში 4 ოქტომბერს, შუაღამის შემდეგ, ისრაელმა იერიში მიიტანა რადიკალური შიიტური ორგანიზაციის, ჰეზბოლას ობიექტებზე. ორგანიზაციის ინფრასტრუქტურას სულ მცირე 11-ჯერ დაარტყეს.
ისრაელის ოფიციალურის წარმომადგენლის ცნობით, ავიადარტყმების სამიზნე ჰაშემ საფი ად-დინი იყო, რომელიც ჰეზბოლამ გენერალურ მდივნად აირჩია ორგანიზაციის ლიდერის, ჰასან ნასრალას მკვლელობის შემდეგ. გამოცემის წყაროთა თანახმად, ისრაელის არმიის სამიზნე სწორედ ის ბუნკერი იყო, სადაც ჰაშემ საფი ად-დინი ბეირუთის სამხრეთ გარეუბანში მდებარე ბუნკერში ჰეზბოლას ხელმძღვანელების შეხვედრას ესწრებოდა.
ცნობისთვის, ჰაშემ საფი ად-დინი ჰეზბოლას თანადამფუძნებელია და ნასრალას მკვლელობამდე აღმასრულებელი კომიტეტის თავმჯდომარე იყო. ის აშშ-ის მიერ ძებნილი ტერორისტების ნუსხაშია. 60 წლის ად-დინი ჰასან ნასრალას, ჰესბოლას ყოფილი ლიდერის, რომელიც ისრაელის არმიის სამხედროებმა 27 სექტემბერს ბეირუთში ავიადარტყმის შედეგად მოკლეს, დეიდაშვილია.
