უნგრეთის საგარეო საქმეთა სამინისტროში შვედეთის ელჩი დაიბარეს. მიზეზი შვედეთის პრემიერ-მინისტრის განცხადებებია, რომელმაც ვიქტორ ორბანი საქართველოში ჩატარებულ არჩევნებთან დაკავშირებით დაფიქსირებული პოზიციის გამო გააკრიტიკა.
ინფორმაციას “როიტერი“ ავრცელებს. საქართველოში ვიზიტით მყოფმა უნგრეთის პრემიერ-მინისტრმა თქვა, რომ არჩევნები იყო თავისუფალი და დემოკრატიული. ორბანის განცხადების პასუხად, კრისტერსონმა განაცხადა, რომ უნგრეთის პრემიერი არა შვედეთის ან რომელიმე სხვა ევროპული ქვეყნის არამედ, შესაძლოა, რუსეთის სახელით საუბრობდა.
