ქუთაისში, ბუნებრივი აირის გაჟონვის შედეგად ხუთი ადამიანი მოიწამლა, მათგან ერთი არასრულწლოვანია. შემთხვევა ნიკეას ქუჩაზე, დევნილების საცხოვრებელში მოხდა.
არსებული ინფორმაციით, ისინი ერთი ოჯახის წევრები არიან. მათ დახმარება თავად ითხოვეს და სასწრაფო დახმარება მეზობლებმა გამოიძახეს. ხუთივე მათგანი კლინიკაშია გადაყვანილი.
ადგილზე იმყოფებოდნენ სოკარ გაზის წარმომადგენლები. მათ ოჯახს ბუნებრივი აირის მიწოდება შეუჩერეს.
